KIGANJA ASEMA HANA SHAKA BMT IKIPELEKWA MAHAKAMANI.

 

Katibu mkuu wa Baraza La Michezo La Taifa BMT Mohamed Kiganja amesema hana shaka na suala la baraza hilo kufikishwa katika vyombo vya kisheria,kufuatia sakata luililoibuka siku za hivi karibuni la kukabidhi majukumu ya usimamizi wa mchezo wa ngumi za kulipwa kuwa chini ya kamisheni ya numi za kulipwa nchini TPBC.

Kiganja amesema anafahamu kampuni zinazoendesha shughuli za mchezo huo TPBO, PTS pamoja na TPBC Limited vimebisha hodi mahakama kuu kanda ya Dar es salaam, kwa lengo la kusaka tafsiri ya kufahamu kama BMT wana mamlaka ya kuwapa TPBC usimamizi wa ngumi za kulipwa.

Amesema suala hilo limefanyiwa maamuzi na BMT kwa maslahi ya wadau wote wa mchezo wa ngumi za kulipwa, lakinia naloliona kwa sasa ni baadhi ya watu kutetea maslahi yao kwanza na kuwasahau wengine ambao wamekua wakivuja jasho ulingoni.