VAN GAAL HAIPA TANO KLABU YA MAN CITY KUMCHUKUA NAHODHA WAKE WA ZAMANI PEP GUARDIOLA.

 

KOCHA wa Manchester United Louis van Gaal ameipongeza klabu ya Manchester City kwa kumteua Pep Guardiola kuinoa timu hiyo msimu ujao.

Akihojiwa mara baada ya ushindi wa mabao 3-0 waliopata dhidi ya Stoke City usiku wa kuamkia hii leo, Van Gaal amesema Guardiola ni nahodha wake wa zamani hivyo atafurahi kukutana naye tena.

Van Gaal alikuwa meneja wa Guardiola wakati akiwa Barcelona na ndio alimpa unahodha kiungo huyo wa zamani Camp Nou.

Guardiola raia wa Hispania toka wakati huo amekuwa akifuata nyayo za bosi wake huyo wa zamani akiwa kama meneja na ufurahia mafanikio makubwa wakati akizifundisha Barcelona na Bayern Munich.