KLOPP ASEMA BILA KUGOMA BASI YEYE NDIO ANGEKUWA CHAGUO LA MAN U.

 

Kocha mkuu wa klabu ya soka ya Liverpool Jurgen Klopp amesema alikuwa wa kwanza kufatwa kwaajili ya kuifundisha klabu ya Manchester United's lakini aligoma kuiacha klabu yake ya Borussia Dortmund.

Klopp amesema yeye ndiye alikuwa chaguo la kwanza kuwanoa Mashetani wekundu hao baada ya aliyekuwa kocha wao Alex Ferguson kuiacha klabu hiyo lakini yeye mwenyewe aligoma kuiacha klabu yake ya Dortmund.

Kocha huyo mwenye miaka 48 alianza kuifundisha klabu ya Liverpool kwa mara ya kwanza baaada ya kuchukua mikoba ya Brendan Rodgers mwezi October mwaka jana.

Klopp amesema alipata ofa nyingi za kuondoka nchini Germany lakini mwenyewe alikua anahitaji kuendelea kubaki katika klabu yake ya Dortmund, na katika ofa hizo klabu ya United ilikuwa klabu ya kwanza kumuhitaji mwezi April mwaka 2013 baada ya kocha wao Sir Alex Ferguson kubwaga manyanga.